O artigo 59 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia prescribe, en relación coas entidades públicas instrumentais, que a celebración de contratos laborais de duración determinada debe ser autorizada polos órganos superiores de goberno e dirección, e que deben contar cos informes favorables previos dos centros directivos competentes en materia de función pública e de orzamentos, sen que, en ningún caso, poidan dar lugar a contratos indefinidos. A selección deste persoal realizarase entre as persoas incluídas nas listas da Administración autonómica ou, de ser o caso, a través dos servizos públicos de emprego. Porén, estas entidades poderán excepcionalmente acollerse a un sistema de listas previo por categorías, coa autorización previa do centro directivo competente en materia de función pública, logo da negociación coas organizacións sindicais representativas no ámbito da función pública. En atención á previsión desta excepción, a Axencia Galega da Calidade Alimentaria, e en relación co persoal investigador tramitou a elaboración dunhas listas de persoal investigador a contratar asociados a programas de investigación de duración determinada. A convocatoria das listas publicouse por RESOLUCIÓN do 7 de maio de 2021 pola que se establecen as bases que rexerán o proceso de elaboración das listas propias desta axencia para a contratación temporal de persoal investigador e se abre o prazo de presentación de solicitudes en 2021 (código de procedemento MR325A). A reforma laboral introducida polo RDL 32/2021, de 28 de decembro, de medidas urxentes para a reforma laboral, a garantía da estabilidade no emprego e a transformación do mercado de traballo limitou o recurso a estas listas exclusivamente aos proxectos financiados con fondos europeos. As necesidades de investigación na Agacal determínanse en tres sectores de actividade: agropecuaria, forestal e viticultura-enoloxía. Cada sector ten distintas áreas e cada área desagrégase en liñas de investigación específicas codificadas: CATÁLOGO DE LIÑAS DE INVESTIGACIÓN: A AGROPECUARIA A1 GANDERÍA A11 VACÚN DE LEITE A12 VACÚN DE CARNE A13 OVINO, CABRÚN, ÉQUINO E OUTRAS ESPECIES A14 MELLORA XENÉTICA ANIMAL A15 SANIDADE ANIMAL: PARASITOLOXÍA A16 SANIDADE ANIMAL: BACTERIOLOXÍA E VIROLOXÍA A17 BIOESTATÍSTICA E EPIDEMIOLOXÍA APLICADA A ENFERMIDADES ANIMAIS A2 AGRONOMÍA A21 VALORACIÓN NUTRICIONAL DE ALIMENTOS PARA RUMINANTES A22 PASTOS E CULTIVOS ANUAIS A23 FERTILIZACIÓN E SOLOS A24 HORTA A25 FRUTICULTURA A26 MILLO E OUTROS CULTIVOS DE VERÁN A27 CEREAIS DE INVERNO A28 MELLORA XENÉTICA VEXETAL A29 SANIDADE VEXETAL A210 SISTEMAS DE PRODUCIÓN EN ECOLÓXICO A3 ECONOMÍA AGRARIA A30 ECONOMÍA AGRARIA A4 TECNOLOXÍA, CALIDADE E SEGURIDADE ALIMENTARIA A40 TECNOLOXÍA, CALIDADE E SEGURIDADE ALIMENTARIA A5 TECNOLOXÍA AMBIENTAL NAS ACTIVIDADES AGRARIAS A50 TECNOLOXÍA AMBIENTAL NAS ACTIVIDADES AGRARIAS A6 BIOLOXÍA MOLECULAR A60 BIOLOXÍA MOLECULAR B FORESTAL B1 MELLORA XENÉTICA E FORESTAL E SILVICULTURA B11 SILVICULTURA E MANEXO DE PLANTAS FORESTAIS B12 MELLORA XENÉTICA DE CONÍFERAS B13 MELLORA XENÉTICA DE FRONDOSAS B2 PRAGAS E ENFERMIDADES FORESTAIS B21 PRAGAS E ENFERMIDADES DE CONÍFERAS B22 PRAGAS E ENFERMIDADES DE FRONDOSAS B23 RESISTENCIA E TOLERANCIA A ENFERMIDADES FORESTAIS B3 ADAPTACIÓN E PRESERVACIÓN DOS ECOSISTEMAS FORESTAIS AO CAMBIO CLIMÁTICO E PRODUTOS FORESTAIS NON MADEIREIROS B31 SILVOPASCICULTURA B32 ECOLOXÍA FORESTAL E CAMBIO CLIMÁTICO B33 BIODIVERSIDADE VEXETAL B34 PRODUTOS FORESTAIS NON MADEIREIROS DE ORIXE VEXETAL B4 PREVENCIÓN E XESTIÓN DE INCENDIOS FORESTAIS E RESTAURACIÓN DE ÁREAS QUEIMADAS B41 TRATAMENTOS PREVENTIVOS DE COMBUSTIBLES FORESTAIS B42 PREDICIÓN E MODELIZACIÓN DA SEVERIDADE DO LUME B43 RESTAURACIÓN POST-INCENDIO E XESTIÓN DE ÁREAS QUEIMADAS B44 AVALIACIÓN DA VULNERABILIDADE FRONTE A INCENDIOS DOS ECOSISTEMAS FORESTAIS B45 ANALÍTICA DE CHANS B5 BIOLOXÍA MOLECULAR B50 BIOLOXÍA MOLECULAR. C VITICULTURA E ENOLOXÍA C1 MATERIAL VEXETAL E RECURSOS XENÉTICOS C11 CARACTERIZACIÓN DE VARIEDADES C12 XENÉTICA E XENÓMICA C13 MELLORA VEXETAL C2 PROTECCIÓN FITOSANITARIA DO CULTIVO DA VIDE C21 PRAGAS E ENFERMIDADES C22 PROTECCIÓN DO CULTIVO C3 TECNOLOXÍA DA PRODUCIÓN VITÍCOLA C31 SISTEMAS DE PRODUCIÓN C32 VITICULTURA E MEDIO C33 VITICULTURA DE PRECISIÓN C4 RASTREXABILIDADE DE MOSTOS, VIÑOS E DERIVADOS C40 RASTREXABILIDADE DE MOSTOS, VIÑOS E DERIVADOS C5 TÉCNICAS ENOLÓXICAS C50 TÉCNICAS ENOLÓXICAS C6 MICROBIOLOXÍA DO VIÑO C60 MICROBIOLOXÍA DO VIÑO C7 ANÁLISE SENSORIAL C70 ANÁLISE SENSORIAL. As persoas aspirantes deberán acreditar estar en posesión dos seguintes requisitos: a) Titulación requirida segundo os sectores de actividade en que se integran as áreas e liñas de investigación: Sector agropecuario: Grao en Enxeñaría Agraria ou equivalente, grao en Bioloxía ou equivalente, grao en Veterinaria ou equivalente, grao en Ciencias Ambientais ou equivalente, grao en Bioinformática ou equivalente, grao en Química ou equivalente, grao en Bioquímica ou equivalente, grao en Ciencia e Tecnoloxía dos Alimentos ou equivalente, grao en Farmacia ou equivalente, grao en Economía ou equivalente, grao en Estatística ou equivalente. Sector forestal: Grao en Enxeñaría de Montes, grao en Enxeñaría Agraria, grao en Bioloxía ou equivalente, grao en Ciencias Ambientais ou equivalente, grao en Bioinformática ou equivalente, grao en Química ou equivalente, grao en Bioquímica ou equivalente, grao en Farmacia ou equivalente, grao en Economía ou equivalente, grao en Estatística ou equivalente. Sector viticultura e enoloxía: Grao en Enxeñaría Agraria ou equivalente, grao en Enxeñaría de Montes ou equivalente, grao en Bioloxía ou equivalente, grao en Ciencias Ambientais ou equivalente, grao en Bioinformática ou equivalente, grao en Química ou equivalente, grao en Bioquímica ou equivalente, grao en Farmacia ou equivalente, grao en Tecnoloxía dos Alimentos ou equivalente, grao en Economía ou equivalente, grao en Estatística ou equivalente. b) Formación específica (requisito indispensable): doutoramento en campos científicos aplicables ás liñas de investigación no catálogo, así como aquelas persoas que teñan acadado a suficiencia investigadora ou o DEA nas mesmas liñas, ou que, estando matriculados nos cursos de doutoramento, acrediten ter superado, cando menos, un curso completo. Acceso a listas. Acceso a xestion@ (o apartado da web de xestion@, debería facilitar a presentación de solicitudes de incorporación ás listas, a través do formulario normalizado dispoñible na sede electrónica da Xunta de Galicia https://sede.xunta.gal)