A Consellería do Medio Rural, a través da Axencia Galega da Calidade Alimentaria, estará presente na BWW 2023 xunto con 25 bodegas galegas coexpositoras.
Ademais, a axencia contará cun espazo no que se poderán degustar os viños, augardentes e licores premiados nas Catas de Galicia 2022.
As bodegas estarán agrupadas por denominacións de orixe. Nun espazo estarán as bodegas de Rías Baixas e noutro as do Ribeiro. O resto das empresas que teñen referencias en varias denominacións de orixe estarán agrupados na mesma zona en espazos multi DO.
Na mesma área estarán situados os postos dos consellos reguladores de Monterrei e Valdeorras, que acoden a feira cun espazo propio.
As empresas participan con postos modulares de 7 e 14 m². O custe total dos postos pequenos (incluíndo o IVE e a cota de coexpositor) é de 3.032,99 €, do cal as empresas aportan 1.938,20 €. No caso dos postos de 14 m2 o coste é de 6.115,93 € (incluíndo o IVE e a cota de coexpositor) e cada unha das empresas aporta 4.249,30 €