ANAY674MB L, EVEGA-AGACAL.
O proxecto vaise levar a cabo na explotación vitivinícola Granxa de Outeiro, ben catalogado pola dirección de Patrimonio cultural da Xunta de Galicia, que entre as súas actividades cultiva distintas variedades de uva branca tradicionais de Galicia nun entorno único de topografía, clima e solo da zona do Ribeiro. Esta explotación ten como obxectivo preservar as variedades autóctonos mediante o uso de técnicas respectuosas co medio ambiente. As uvas vendimaranse de forma manual para ser procesadas na adega experimental da Evega. A fermentación realizarase de forma espontánea para sacar partido aos lévedos fermentativos propios da uva e o seu potencial para modular a propiedades químicas e sensoriais do viño. Illaranse os lévedos responsables da fermentación e identificaranse a nivel xenético para a súa caracterización e futura explotación. Ademais investigarase o efecto da crianza sobre lías finas dos lévedos propios na evolución dos viños en distintos tipos de madeira (con barricas de distintos volumes), e en depósitos de aceiro inoxidable. A expresión do potencial aromático das distintas variedades sumado os metabolitos fermentativos derivados dos lévedos involucrados na fermentación vai definir as propiedades organolépticas do viño e a súa complexidade. Pola súa banda, a crianza sobre as súas propias lías e a aportación de distintos tipos de madeira fronte aos depósitos de aceiro inoxidable permitirá modular a evolución do viño no tempo. Tendo en conta todos os factores estudados poderemos dispoñer dun protocolo optimizado para a elaboración dun viño branco de garda de calidade diferenciada ligada a un terroir histórico do Ribeiro que poderá presentar o seu novo produto ao sector.
En fase de realización